Është i lumtur, por nuk e ndjen se e ka kualifikimin për në Uefa Euro 2012 në xhep tashmë Cesare Prandeli. Fitorja 1-0 kundër Sllovenisë, që është arritur pas një goli në pjesën e dytë të shënuar nga Tiago Mota, ka forcuar akoma më shumë pozitat e Italisë si kryesuese e Grupit C, që tani ka gjashtë pikë avantazh mbi dy ndjekëset e saj më të afërta. Për trajnerin e skuadrës kombëtare italiane "ka akoma shumë punë për t'u kryer", por të kaltërit kanë treguar se nuk janë një skuadër për t'u nënvlerësuar. "Na kanë cilësuar një Itali për Serinë B, unë them që të vazhdojnë të shprehen në këtë mënyrë, sepse na japin vetëm më shumë motivacione dhe stimujt më të mëdha…", ka shpjeguar ish-trajneri i Fiorentinës, duke folur një ditë pas ndeshjes, duke vazhduar më tej: "Duhet të punojmë akoma më shumë, edhe se sigurisht fitoret ndihmojnë për t'u punuar më mirë. Dhe bëjnë që të rritet më shumë vetëvlerësimi. Këto janë takime të rëndësishme, djemtë që në fund të pjesës së parë e ndjenin se mund të luanin ndeshjen e tyre me qetësi. Kualifikimi absolutisht që nuk është vendosur, kemi ende shumë punë për ta arritur". Në sektorin më nevralgjik të fushës së lojës të kaltërit kanë respektuar në perfeksion këshillat e dhëna nga Cesare Prandeli. "Në mesfushë kemi luajtur shumë mirë", ka pranuar trajneri Prandeli, "sigurisht që duhet të korrigjojmë diçka kur vertikalizojmë, por më duket se në atë zonë të fushës kemi qenë më të mirë ne. Antonio Kasano? Ka zhvilluar një ndeshje me sakrificë të madhe dhe më ka pëlqyer shumë, siç më ka pëlqyer e gjithë skuadra në këtë ndeshje".Heroi i mbrëmjes quhet Tiago Mota. Shumë mesazhe në celularin e tij për t'i uruar golin dhe për t'i bërë komplimenta: miqtë, familja dhe trajneri Leonardo, trajneri i tij tek Interi: "Më mirë se kaq ishte e vështirë, kjo është ndeshja ime e dytë me këtë skuadër…", ka sulmuar mesfushori i kaltër. "Kemi fituar dhe unë kam shënuar, jam shumë i lumtur për këtë sukses. Por duhet të falenderoj mbi të gjitha shokët e skuadrës dhe trajnerin, që më kanë dhënë besim dhe më kanë pritur shumë mirë". Ka nga ata që thonë, që përfshirja e brazilianit të natyralizuar si italian ka sjellë personalitet më të madh në skuadër. "Nuk besoj se, Italia ka nevojë për mua për të fituar personalitet, është një skuadër kombëtare e fortë dhe unë mund të jap kontributin tim për ta ndihmuar më shumë, ka sqaruar Tiago Mota, duke vazhduar komentin e tij entuziast. Nëse Marçelo Lipi do të më kishte thërritur më parë? Nuk ka ndodhur dhe nuk mendoj se është e rëndësishme, them që sot jam shumë i lumtur që jam pjesë e kësaj skuadre kombëtare dhe duhet të mendoj për të tashmen dhe për të ardhmen, jo për të shkuarën". Të kaltërit kanë bindur plotësisht Tiago Motën me paraqitjen e zhvilluar në Lubjanë. "Mendoj që, loja jonë ka qenë shumë e mirë, në mesfushë trajneri përpara ndeshjes na kishte kërkuar një impostim të mirë të lojës dhe të kërkonim mbi të gjitha Kasanon që luante ndërmjet mesfushës dhe sulmit, sepse ai është një lojtar inteligjent në gjendje për të dhuruar asiste të rëndësishme në çdo moment të ndeshjes", ka zbuluar italo-braziliani. "Kemi luajtur mirë. Kritikat? Duhet të ecim përpara në rrugën tonë, sipas meje kemi një grup të madh dhe një skuadër shumë të fortë. Sigurisht që mund të bëjmë akoma më shumë, por deri më tani jemi duke ecur shumë mirë. Duhet të vazhdojmë në këtë rrugë".
Edhe Xhiorxhio Kielini është i mbushur me gëzim pas fitores të arritur të premten në Slloveni. "Jemi shumë të lumtur, është një etapë e rëndësishme si për kualifikimin tonë ashtu edhe për rritjen tonë të mëtejshme, ka nënvizuar mbrojtësi i Juventusit. Sipas mendimit tim, ndeshja me Gjermaninë, pavarësisht se ka qenë një ndeshje miqësore, na ka dhënë shumë. Duhet të vazhdojmë në këtë rrugë, është një rezultat shumë i rëndësishëm dhe është e pamohueshme që tani kemi kryer një hap të rëndësishëm përpara drejt kualifikimit. Jemi duke treguar se, jemi një grup i bukur". Tema e një Italie për Seri B, siç ishte përkufizuar përpara ndeshjes me Slloveninë, është tema më e nxehtë edhe një ditë pas fitores së arritur. "Edhe kritikat të stimulojnë më shumë, kjo gjë që kemi ndjerë këto ditë, duhet të jem i sinqertë, na ka dhënë një stimul më shumë për të treguar që nuk jemi keq siç mendojnë shumë njerëz", ka zbuluar Xhiorxhio Kielini. Dyshja e qëndrës së mbrojtjes me Leonardo Bonucin ka reaguar shumë mirë. "Jemi të qartë, që nuk jemi duke kaluar një moment të madh te Juventusi, ndeshjet e fundit sigurisht që nuk kanë qenë të bukura. Kam folur këto ditë me Leonardon dhe Xhianluixhin (Bufon), kjo ishte një mundësi e madhe për të rimarrë përsëri disi entuziazëm dhe besim për vazhdimësinë e sezonit tonë, tregon Kielini në rrëfimin e tij. Dëshironim t'i tregonim vetes tonë që nuk jemi shumë keq siç jemi parë në ndeshjet e fundit". Tre pikë fondamentale edhe për karakterin. "Psikologjikisht kjo fitore është shumë e rëndësishme, ishte një etapë e rëndësishme", ka përfunduar Kielini. "Nuk kemi pësuar gol dhe kemi rrezikuar shumë pak, gjithçka siç na ishte kërkuar dhe ky është një rezultat i merituar që na jep një shtytje më shumë në rrugën drejt kualifikimit për në Euro 2012, mund ta humbasim vetëm ne, por mendoj se është e vështirë të ndodhë". /JUVENEWS.TK/