26 mars 2011

Juventus kërkon Berbatov, Ferguson, Tiago Silvën

Gjëra bullgare. Pavarësisht se ky është edhe sezoni më i mirë i Dimitar Berbatov te Manchester Junaitid, klubi ka vendosur të mos i rinovojë kontratën. Me 20 gola në 22 ndeshje të luajtura sulmuesi tridhjetë vjeçar bullgar është duke udhëhequr Djajtë e Kuq drejt titullit të tyre të 19 në historinë e tyre dhe, duke parë që kontrata e tij skadon në vitin 2012, menaxherët e tij kanë kërkuar një takim me drejtuesit e klubit për të zgjatur kontratën. Por, nga Manchesteri janë përgjigjur me një ofertë më të vogël: 2 vite në ndryshim nga 3 që janë kërkuar dhe një pagë më e vogël se paga që përfiton aktualisht sulmuesi bullgar. Dhe në këtë mënyrë, Berbatov, të cilin Junaitid e ka marrë në vitin 2008 nga Totenhami për 35 milionë stërlina, është duke menduar një largim dhe shumë klube të mëdha europiane janë hedhur në sulm për shërbimet e tij.

Ferguson gati shpenzimet

Për një Juventus që kërkon qendër sulmuesin e ardhshëm në Premier Ligë, ka disa skuadra angleze që dëshirojnë të kryejnë disa përforcime në Serinë A. Manchester Junaitid është duke përkëdhelur në mënyrë të vazhdueshme Tiago Silvën. Në planet e Aleks Ferguson, mbrojtësi i qendrës së Milanit duhet të mbulojë Rio Ferdinand, që në moshën 32-vjeçare është gjithmonë e më shumë viktimë e dëmtimeve të rënda dhe të vazhdueshme. Manchester Junaitid fillon nga një vlerësim prej 20 milionë stërlinash. Në Manchester më pas ndjekin gjithmonë me kujdes edhe Daniele De Rosin, siç kemi theksuar javë më parë. Dhe lajmi kësaj jave është që menaxherët e mesfushorit kampion bote kanë shkuar ne Manchester për të ofruar disponibilitetin e tyre për të ndryshuar qytet, duke zbuluar ndërkohë që Roma është e gatshme të pranojë një ofertë në nivelin e 25 milionë eurove.
/JUVENEWS.TK/