29 janar 2011

Juventusi kërkon njërin mes Matri-Klose

Juventusi është duke kërkuar me ngulm një sulmues në 48 orët e fundit të merkatos dhe dy emrat ku janë përqendruar torinezët janë ato të Matri-t dhe Klose-s.

Pavarësisht se drejtuesit e bardhezinjve nuk dëshironin të investonin më, situata alarmante në sulm e ka bërë të detyrueshme një ndërhyrje, raportoi “Il Corriere dello Sport”.

Quagliarella ka mbyllur sezonin, Amauri pësoi një tërheqje të re muskulore, Iaquinta vazhdon të jetë i mbushur me probleme dhe Del Piero është sulmuesi i vetëm i mirëfilltë që ka mbetur.

Pas dështoi në tratativat për Pazzini-n, Juventusi është është përfshirë në negociata intensive me drejtuesit e Cagliarit dhe Bayern Munchenit, në kërkim të gjetjes së një ujdie të menjëhershme për Matri-n apo Klose-n.