Edhe pak kohë (nuk dihet sa me saktësi), me disa detaje që duhen sqaruar (pas dorëzimit të 75 përgjimeve të analizuara), dhe më pas Federata Italiane e Futbollit do të jetë gati për të hapur një hetim të ri pikërisht në bazë të fakteve të reja që do të marrë në dorëzim. Kështu, pritet të fillojë punën e saj drejtësia sportive dhe vetëm në këtë pikë pritet të vijë reagimi i Juventusit që do të kërkojë heqjen e kampionatit 2005-06 që i është dhënë Interit.Gjithashtu, nuk përjashtohet që klubi bardhezi të kërkojë rishqyrtimin e gjyqit sportiv, por kjo duket shumë e vështirë. Megjithatë, është e qartë se vendimet që janë marrë në 2006-ën nuk mund të ndryshohen. Lind pyetja se çfarë do të kishte ndodhur nëse telefonatat e zbuluara do të kishin përfunduar në duart e prokurorit, Françesko Saviero Borreli. Për momentin drejtësia sportive është e vendosur të lëvizë shpejt dhe në javët e ardhshme do të ketë të tjera surpriza.