17 prill 2010

Dunga nuk largohet

Menaxheri i Dungës ka mohuar spekulimet rreth kalimit të selektorit të Brazilit te klubi italian, Juventus.

Bianconerët janë në kërkim të një trajneri të ri, pasi Alberto Zaccheroni do të drejtojë ekipin vetëm deri në fund të këtij sezoni. Mirëpo, menaxheri i brazilianit Antonio Caliendo ka insistuar se klienti i tij është i përqendruar vetëm në Kampionatin botëror.

“Dunga nuk mendon rreth largimit nga Kombëtarja braziliane. Ai është i përqendruar vetëm në Kampionatin botëror”, deklaroi Antonio Caliendo.