Juventus ka hyrë në heshtje mediale, por ka lëshuar një komunikatë për shtyp, duke u kërkuar falje tifozëve të vet. Bianconerët kanë rënë në pozitën e shtatë në Serie A pas humbjes 3-0 nga Udinese të shtunën.Trajneri Alberto Zaccheroni nuk u paraqit në konferencë për shtyp, mirëpo drejtorët, trajneri dhe futbollistët u kanë kërkuar falje tifozëve nëpërmjet një komunikate në ueb faqen zyrtare të klubit. Juventus nuk pritet të prononcohet për media në të ardhmen e afërt.