Kapiteni i Juventusit, ashtu si të gjithë shokët e tij të skuadrës, ka dëgjuar në heshtje fjalët e shprehura nga presidenti bardhezi Andrea Anjeli, që ka qenë prezent dje në Vinovo për t'i treguar skuadrës që drejtuesit janë dhe pranë lojtarëve në momentet delikate.Asnjë fjalë, nuk është shprehur nga lojtarët e skuadrës bardhezi: Del Piero ka dëgjuar gjithçka që numri një i Juventusit kishte për të shprehur dhe është kthyer të stërvitet. I vetëm, duke ndjekur një program të personalizuar që është krijuar apostafat vetëm për të.
Anjeli ditë më parë ka qenë i qartë ("Do të na thotë ai se çfarë dëshiron të bëj"), por palët janë akoma larg për çështjen e rinovimit, shumë larg. Dje në Vinovo është prezantuar edhe Stefano Del Piero, menaxheri i Aleksit, por vetëm për t'i bërë një vizitë private vëllait "çështje personale".
Asnjë takim nuk është në program me drejtuesit për të diskutuar një kontratë që sot është e gjitha në diskutim dhe nuk dihet nëse do të vazhdojë bashkëpunimi pas përfundimit të sezonit aktual. Dhe gjëja që surprizon më shumë është që ndërmjet palëve ekziston një ftohtësi absolute: Stefano Del Piero dhe triada drejtuese as nuk janë përshëndetur. /JUVENEWS.TK/