Milani vazhdon “të peshkojë” në Brazil. Sipas shtypit italian, drejtuesit kuqezinj janë rihedhur në sulm për një lojtar që konsiderohet nga të gjithë si Pirlo i ri, ose më saktë Anderson Hernanesin, “regjizorin” 24-vjeçar të San Paolos, i cili i pëlqen shumë Barcelonës dhe Interit. Klubi i Juvenal Juvencios kërkon shumë për “xhevahirin” e tij”, vlera është 30 milionë euro, një shifër e destinuar të zbresë kur dikush të bëjë një ofertë konkrete.Po jo shumë, sepse mjafton të mendosh që Barcelonës iu refuzuan 15 milionë euro. Megjithatë Milani duhet të thyejë konkurrencën e fortë dhe të shfrytëzojë si “ndërmjetës” trajnerin Leonardo ndaj drejtuesve brazilianë, që në 2003 u bindën nga trajneri aktual kuqezi për të shitur Kakànë. A do të mjaftojë edhe këtë herë?