30 nëntor 2009

Toure konsideron të ardhmen

Manchester United dhe Arsenal janë nën paralajmërim, pasi Yaya Toure ka bërë të ditur se është duke konsideruar të ardhmen e tij në Barcelonë derisa vazhdon të mbetet jashtë formacionit bazë.
Mesfushori i Bregut të Fildishtë ishte i pakënaqur që i riu Sergio Busquets u paraqit si titullar në ndeshjen kundër Real Madridit. Kjo ka shtuar spekulimet rreth largimit të tij nga klubi gjatë afatit kalimtar të janarit.
“Duhet të marr vendim rreth kësaj. Kur një futbollisti i ofrohet kontratë e re, nuk ka kuptim të mbetet gjithmonë në bankë”, tha Toure për France Football.