Mesfushori anglez është gati të zbarkojë në Milanelo për të dytën herë, me synimin për të bindur trajnerin e Kombëtares angleze, Fabio Kapelo, ta grumbullojë për në Botërorin e Afrikës.Megjithatë, para se të fillojë aventurën e dytë dimërore në Itali, “Spice Boy” duhet të marrë veten nga disa probleme të vogla në kavilje. “Jam paksa i lodhur, kjo është normale. Por jam gati për të vazhduar sezonin në Europë”, deklaroi Dejvid Bekam.
Gjithsesi, ai është mësuar të luajë shumë, gjatë gjithë karrierës së tij: “Ndihesh paksa i konsumuar në fund të sezonit. Por kjo është normale, nuk mund të ndihesh i freskët. Nëse do të ndodhte kjo, atëherë do të thotë se diçka nuk ka shkuar si duhet gjatë sezonit”.