Bogdani kryeson anketën

Erjon Bogdani kryeson anketën për “Lojtarin më të Mirë” në ndeshjet që Chievo ka luajtur gjate këtij stinori në “Bentegodi”. Futbollisti shqiptar është rikthyer në ditët e tij më të mira dhe mban peshën e sulmit në radhët e veronezëve. Pas gjashte ndeshjeve që Chievo ka luajtur në shtëpi, Bogdani renditet i pari në konkursin e organizuar nga e përmuajshmja “Il Commercio Veronese” në bashkëpunim me klubin verdheblu. Ndjekësi më i afërt i kuqeziut është kapiteni Serxho Pelisier, fituesi i tri edicioneve të fundit, ndërsa më pas vijnë Jepes dhe Sorrentino.