Trajneri i Bajernit të Mynihut, Luis van Gal, ka deklaruar se do të ishte i kënaqur me një fitore minimale kundër Fiorentinës në ndeshjen e sotme dhe ka pohuar se ia ka frikën skuadrës italiane, edhe pse ajo po kalon periudhë të vështirë në Serinë A. “Ne jemi gati, por nuk duhet të nënvlerësojmë Fiorentinën. Do të jemi shumë të kënaqur nëse kualifikohemi.Në këtë fazë, të dyja skuadrat kanë kualitete të shumta”, ka thënë ai në konferencën për shtyp. “1 0 do të ishte një rezultat i mirë. Fiorentina është skuadër me lojtarë shumë të mirë, që e kanë treguar veten në fazën e grupeve.” Në lidhje me mungesën e sulmuesit Adrian Mutu, i pezulluar pas testeve të dopingut, ish-trajneri i skuadrës AZ Alkmar, ka thënë se nuk besonte se do të ketë efekt domethënës për Fiorentinën. “Një lojtar nuk është aq i rëndësishëm. Edhe ne kemi fituar disa ndeshje pa yjet tona, Frenk Riberi dhe Arjen Roben”, ka thënë Luis van Gal.