25 shkurt 2010

Mehmeti shënoi, por humbi Malmo

Futbollisti Agon Mehmeti megjithëse shënoi gol në miqësore për Malmon, ajo nuk ia doli të nxjerrë rezultat pozitiv. Skuadra e Malmos pësoi humbje nga skuadra e Elfsborgut me rezultat 3:1. Mehmeti dëshmoi lojë solide kundër skuadrës së Elfsborgut, me të cilën luan shqiptari nga Kosova, Emir Bajrami. Skuadra e Bajramit, Elfsborgu, u dëshmua më e përgatitur dhe si rrjedhojë e kësaj edhe e fituan ndeshjen. Tri golat për Elfsborgun i shënoi futbollisti Keene (9’, 50’ e 80’), ndërsa për Malmon realizoi Mehmeti në minutën e 43-të të takimit. Te dyja skuadrat dhanë lojë të mirë dhe janë mjaft mirë të përgatitura për fillimin e kampionatit të ri.