30 janar 2009

Vidic mungon kundër Interit

Mbrojtësi i Manchester United, Nemanja Vidic, do të mungojë në takimin e parë të Ligës së Kampionëve të cilin kampionët në fuqi do ta zhvillojnë në Giuseppe Meazza kundër Interit.
Mungesa e qendërmbrojtësit kryesor të Djajve të Kuq vjen si pasoj e kartonit të kuq të cilin e mori në finalen e Kupës së Botës për Klube, ndërsa FIFA ka konfirmuar se dënimi do të jetë së paku një ndeshje moslojë në Ligën e Kampionëve. “Sky Sports” të premten ka konfirmuar se mbrojtësi serb është i suspenduar pikërisht për ndeshjen e parë kundër zikaltërve, e cila do të zhvillohet më 24 shkurt në Giuseppe Meazza.