11 maj 2010

Milan-Juve do të luhet të shtunën

Në ndryshim nga ndeshjet e tjera të javës së fundit të kampionatit italian (të cilat duhet të luhen të dielën në orën 15:00), Milan-juventus dhe Lacio-Udineze do të zhvillohen një ditë përpara.
Vendimi është marrë sot nga federata italiane e futbollit, pas propozimit të ministrit Maroni. Qëllimi është që të shmangen përplasjet mes tifozerive.

Duke qenë se festimet për titullin kampion do të zhvillohen ose në Milano ose në kryeqytet (Interi dhe Roma diskutojnë titullin), mund të ketë përplasje mes ultrasve të Interit e Milanit/Juves në Milano dhe atyre të Lacios dhe Romës në kryeqytet.