Fabio Capello ka pranuar se ai ndoshta nuk do të ishte sot trajner i Anglisë, nëse nuk do të ekzistonte skandali më i madh në futbollin italian, Calciopoli, para katër vitesh.“Ndoshta jo”, iu përgjigj Capello pyetjes nga Eurosport nëse ai do të ishte trajner i Tre Luanëve, po të mos ishte Calciopoli.
“Unë nuk do të shkoja te Reali, nuk do të mbetesha gjashtë muaj pa punë dhe nuk do të isha i lirë për kombëtaren angleze. Kjo tregon se gjërat negative mund të shihen si pozitive”, deklaroi Capello.