27 prill 2011

“Zonja” tenton sërish për Dzekon

Mançester Sitit iu desh të shpenzonte plot 32 milionë stërlina për të sjellë Edin Dzekon në Premier Ligë, por duket se deri tani sulmuesi shtatlartë boshnjak nuk e ka shpërblyer besimin e sheikut Mansur. Kësisoj rikthehet kandidatura e Juventusit, që në sezonin e shkuar e ndoqi gjatë ish-bomberin e Volfsburgut.

Gjithçka do të varet nga blerja e Mishel Bastosit, që është objektivi kryesor i “Zonjës së Vjetër”. Sa i përket sulmit drejtuesit bardhezinj janë në ndjekje të Benzemasë tek Reali i Madridit dhe Neimarit te Santosi, por një mundësi është edhe ajo e Odemuingit që luan për Uest Bromin.

Ndërkohë edhe Aleks Del Piero është në pritje të një telefonate. Me Katanian ai ka arritur të tregojë se mbetet vendimtar. Kapiteni veteran e ka përsëritur vazhdimisht se ka dëshirë të qëndrojë tek Juventusi, por nëse sinjalet nuk do të jenë pozitive nga ana e drejtuesve atëhere ai edhe mund të largohet, pavarësisht se historia e tij flet qartë tek Juventusi.
/JUVENEWS.TK/