Stiven Xherrard, i gatshëm ndaj Volvesit

Kapiteni i Liverpulit, Stiven Xherrard, mund të kthehet për ndeshjen e sotme kundër Volvesit në Premier Ligë. Mesfushori i Anglisë pritej të mungonte për 14 ditë, por me sa duket ka ardhur në formë dhe ka qenë në stërvitje në fushën stërvitore të Liverpulit, në Melvud, prandaj mund të luajë në “Molineux”. “Ai është stërvitur me ne të shtunën dhe të dielën dhe po ashtu edhe sot (të hënën)”, ka thënë trajneri Rafael Benitez. “Normalisht ai është një lojtar që nëse mund të luajë, do të luajë. Ne do të vendosim para ndeshjes, por mendoj se do të luajë.” Liverpuli është vetëm një pikë larg katërshes së parë, që e kualifikon për në Ligën e Kampionëve, ndërkohë që golavarazhi e mban Volvesin jashtë zonës së rënies nga kategoria.