Pasi është ndarë përfundimisht me Prishtinën, futbollisti shqiptar nga Maqedonia Vebi Alievski, të mërkurën ka udhëtuar drejt Belgjikës, ku do të provohet tek gjiganti Anderlecht. Këtë lajm e ka bërë të ditur për Express vet mbrojtësi i majtë.“Sot do të nisem në Belgjikë. Do të bëj prova tek Anderlecht. Provat besoj se do të zgjasin një javë. Unë jam i përgatitur sa duhet dhe do të mundohem ta jap maksimumin, që ta tregoj veten, edhe pse dihet se do të jetë e vështirë, pasi që ky klub është mjaft i madh”, theksoi ish futbollisti i Shkëndisë së Tetovës.
Ai tregoi se këtë mundësi ia ka mundësuar një menaxher, shumë i afërt me ish futbollistin kosovar Besnik Hasi, i cili kryen punën e ndihmës trajnerit tek klubi mbretëror belg. Në sezonin vjeshtor, Alievski kishte luajtur tek Prishtina, por ai u nda me Bardhekaltrit zyrtarisht të martën.