Sot në mbrëmje do të luhen ndeshjet e radhës për fazën e grupeve në Ligën e Europës. Lacio pret Vijarealin, kurse Roma luan me Fulhamit në transfertë.Në “Amsterdam Arena” vendasit e Ajaksit do të presin Dinamon e Zagrebit, kurse belgët e Anderlehtit do të udhëtojnë drejt Rumanisë për t’u përballur me Timisoarën.
Ndeshje në shtëpi për kryesueset e grupit B. Pas fitores së dy javëve më parë kundër Xhenovas, Valencia do të luajë në “Mestaja” ndaj Slavia Pragës. Ndërkohë që francezët e Lilës presin Xhenovan.
Sëlltik – Hamburg dhe Hapoel Tel-Aviv – Rapid Vjena janë dy përballjet që rezervon grupi C. Ndërsa në grupin e katërt, pas dy fitoreve në ndeshjet e para, kryesuesit e Sporting Lisbonës luajnë në fushën e Ventspilsit. Herta e Berlinit do të presë në shtëpi hollandezët e Herenvenit.
Një nga sfidat më interesante të mbrëmjes së sotme është ajo që do të luhet në “Craven Cottage” të Londrës, ku vendasit e Fulhamit presin Romën e Klaudio Ranierit. Ndërkohë, Bazeli luan në transfertë ndaj CSKA Sofies.
Dy pretendentët për të kaluar grupin F, Gallatasaraj dhe Panathinajkosi, do të luajnë në fushat e tyre, përkatësisht ndaj Dinamo Bukureshtit dhe Shturm Gracit.
Lacio – Vijareal është një tjetër përballje që premton emocione në grupin G. Të dy ekipet do kërkojnë tri pikët, për të mos iu larguar Salzburgut, që luan në shtëpi përballë Levski Sofies.
Në grupin H, hollandezët e Tventes, që ndodhen në vend të parë, do të luajnë në fushën e skuadrës moldave të Sherif Tiraspolit. Në takimin tjetër të këtij grupi, Fenerbahçe luan në fushën e Steaua Bukureshtit.
Përplasje kryesuesish në grupin I, aty ku Benfika dhe Evertoni do të kërkojnë t’i rrëmbejnë pikë njëra-tjetrës, për të hedhur një hap të sigurtë përpara. Ndërkohë, Aek-u i Athinës udhëton drejt Bjellorusisë, për t’u përballur me vendasit e Bate Borisovit.
Në grupin J, kampionët e Shaktar Donjetskut do të presin në shtëpi Tuluzën, ndërsa Bryzhi luan në fushë e vet përballë Partizanit të Beogradit.
PSV Einthoven – Kopenhagen dhe Sparta Praga – Kluzh janë takimet që do të luhen në kuadër të grupit K. Kurse në grupin e fundit, Verder Bremeni luan në fushën e Austria Vienës dhe Atletik Bilbao pret në shtëpi portugezët e Nacionalit.
Ja pasqyra e plotë e ndeshjeve që do të luhen sot:
Grupi A
Alaks – Dinamo Zagreb
Timisoara – Anderleht
Grupi B
Lilë – Xhenova
Valencia – Slavia Praga
Grupi C
Sëlltik – Hamburg
Hapoel Tel-Aviv – Rapid Vjena
Grupi D
Herta Berlin – Herenven
Ventspils – Sporting Lisbona
Grupi E
CSKA Sofia – Bazel
Fulham – Roma
Grupi F
Gallatasaraj – Dinamo Bukuresht
Panathinajkos – Shturm Grac
Grupi G
Lacio – Vijareal
Salzburg – Levski Sofia
Grupi H
Sherif Tiraspol – Tvente
Steaua Bukuresht – Fenerbahçe
Grupi I
Bate Borisov – Aek Athina
Benfika – Everton
Grupi J
Bryzh – Partizan Beograd
Shaktar Donjetsk – Tuluz
Grupi K
PSV Einthoven – Kopenhagen
Sparta Praga – Kluzh
Grupi L
Atletik Bilbao – Nacional
Austria Vjenë – Verder Bremen