Del Piero me fitore minimale në Braglia të Modenas ka arritur të mposhtë Shamrock Rovers për t’u kualifikuar më tej, ashtu si Liverpooli që arriti në Anfield të fitojë si në ndeshjen e parë me rezultat 2-0 ndaj Rabotnickit. Galatasaray i Lorik Canës e ç’montoi OFK Beogradin, midis Beogradit.Si zakonisht njeriu i ndeshjes për Juventusin ishte kush tjetër pos legjendës së gjallë Alessandro Del Piero, i cili realizoi (74’) sa për ta vulosur kualifikimin edhe ashtu të vulosur një javë më parë.
Liverpoolit iu deshën 40 minuta lojë për ta siguruar kualifikimin në fazën e fundit kualifikuese të Europa League. Joe Cole në debutim për Liverpoolin në ndeshje zyrtare ka asistuar për golin e parë të N’Gog (22’). Ikonës Steven Gerrard iu la ekzekutimi i penaltisë në minutën e 40-të dhe natyrisht se nga pika e bardhë i pagabueshëm u tregua ‘Steve G’.
Galatasaray u hakmorr keq për ndeshjen e parë dhe barazimin 2-2 në Turqi, pasi që në ndeshjen e dytë, nuk pati mëshirë ndaj serbëve të OFK Beogradit, për të cilët vlen të përmendet vetëm rezultati 5-1 dhe që të kuptohet se kemi të bëjmë me shqyerje dhe kualifikim të ekipit të Lorik Canës në fazën e fundit kualifikuese të Europa League.