Inter vs. BarcelonaNdeshja e shumëpritur midis dy gjigantëve përfundoi me rezultat 0-0.
Në stadiumin e Interit u zhvillua superderbi midis Interit dhe Barcelonës. Një ndeshje që solli spektakël, dhe që ishte sa e kënaqshme për sy, aq edhe e pastër. Kësaj të fundit i shtohet fakti se nuk kishte edhe shumë ndërprerje, e as ndëshkime.
Barcelona filloi me dominim, edhe atë qysh në minutën e dytë Messi kaloi dy mbrojtës, dhe testoi portierin Cezar, por ky i fundit priti goditjen e Argjentinasit.
Dominimin e Barcelonës e vazhdon IbraCadabra me një volle në minutën e 8, por që përfundon jashtë portës.
Në minutën e 30, Milito godet nga ana e majtë, por Valdez intervenon për mrekulli.
Kështu topi kalonte herë në njërën skuadër herë në tjetrën, herë njëra skuadër me rast herë tjetra, por nuk kishte asgjë konkrete.
Në pjesën e dytë skemë e njejtë. Në fillim të pjesës së parë vijnë raste nga Sneijder, Ibra dhe Motta, dhe konfirmohet se loja do të jetë akoma e gjallë.
Në minutën e 53 Henry ndëshkohet me karton të verdhë pas ndërhyrjes ndaj Lucios.
Në minutën e 61 vjen ndërrimi i parë, largohet Muntari dhe inkuadrohet Stankovic, që duket se i dha sadopak freskim e gjallëri skuadrës.
Në minutën e 62, vjen një goditje e Keitas që përfundon jashtë portës.
Në minutën e 66 Milito gjen rast të mirë por nuk arrin të godet. Topin e tij e shfrytëzon Stankovic me një goditje të bukur, por që përfundon pak jashtë portës.
Në minutën 76 ndërrohet Thierry Henry me Iniesta-n në anën e Barcelonës, kurse në Minutën 79 Wesley Sneijder me Davide Santon për Interin.
Në minutën 82 ndëshkohet Toure me karton të verdhë, kurse 2 minuta më vonë ndërrohet Diego Alberto Milito me Mario Barwuah Balotelli.
Kjo ishte gjithçka për ndeshjen. 0-0
Liverpool vs. Debrecen
Në Anfield u zhvillua takimi midis Liverpoolit dhe Debredcenit.
Një ndeshje ku edhe pritej dominimi i skuadrës Angleze me përvojë në këtë kompeticion.
Loja ishte interesante, me raste të shumta. Tifozët e Liverpoolit është dashur të presin 45 minuta për të parë golin e Kuyt, që në fund doli të ishte i vetmi dhe përcaktuesi i takimit.
Për vendasit u ndëshkua me karton të verdhë Gerrard në minutën e 25, kurse për mysafirët Fodor në min. 21.
Kështu Liverpool arkëton tri pikët e para në kompeticionin më të madh Evropian, dhe kryeson bashkë me Lyonin.
Lyon vs. Fiorentina
Ndeshja tjetër e grupit E midis Lyonit dhe Fiorentinës përfundoi poashtu me rezultat minimal, dhe me fitore të vendasve.
Të dyja skuadrat hynë të motivuara në fushë, dhe këmbëngulëse për fitore.
Ndeshja ishte mjaft e ashpër, këtë e tregon fakti që u shpërndanë plot 6 kartonë të verdhë dhe një i kuq(Gilardino, Fiorentina).
Lyoni e shfrytëzoi rastin me një lojtar më shumë, dhe në minutën e 76 me anë të Pjanic kalon në epërsi, që ishte edhe epilogu i këtij takimi.
Lyoni bashkë me Liverpoolin kanë kryesimin e Grupit E pas ndeshjeve të para përkatëse.
Dynamo Kyiv – Rubin Kazan
Në kuadër të fazës së grupeve të Champions Leauge, përkatësisht grupit F, u zhvillua takimi midis skuadrës Ukraniase(ku aktivizohet Sheva) Dynamo Kyiv, dhe kampionit Rus – Rubin Kazan.
Për skuadrën Ruse gjithçka filloi mbarë, madje kaloi në epërsi qysh në minutën e 25 me anë të Dominguez.
Por, sa mjaftoi kjo kur Dynamo Kyiv e përmbysi rezultatin, edhe atë duke shënuar 3 gola në 19 minutat e fundit të ndeshjes, së pari Yussuf në minutën 71, Magrao në të 80-tën, dhe Gusev në minutën 85 vulosi gjithçka.
Në ndeshje u ndëshkuan 5 lojtar me kartona të verdhë.
Me këtë fitore skuadra Ukrainase mer lidershipin në grup, pas barazimit në takimin Inter-Barcelona.