Nga çka kërcënohet Ronaldo?!

Përveç pakënaqësive ndaj trajnerit Pelegrini, i cili e ka zëvendësuar tri herë në gjashtë ndeshje, Kristiano Ronaldo duhet të bëje llogaritë edhe me "magjinë e zezë". Një magjistar spanjoll ka dërguar një letër në zyrat e Realit të Madridit, ku pretendonte se ishte kontaktuar nga "një njeri i famshëm dhe mjaft i afërt me Ronaldon". Qëllimi: që nëpërmjet magjisë, mesfushori të pësonte një dëmtim. "Mund të them se portugezi do qëndrojë më shumë në infermieri sesa në fushë", tha ‘shtrigani’ për mediat iberike. Klubi nuk u kushtoi vëmendje këtyre "kërcënimeve", dhe reagimi zyrtar ishte: "Është një prej çmendurive, me të cilat përballemi çdo ditë".