Fejzullahu me golin e tij ia solli një pikë NEC-it

Erton Fejzullahu shkëlqeu me lojë dhe ishte më meritori me golin e tij të shënuar në minutën e 66-të për pikën e fituar të skuadrës së NEC Nijmegenit në përballje me Utrechtin, në javën e nëntë të Kampionatit të Holandës në futboll. Utrecht tregoi një lojë cilësore dhe në pjesën e parë kaluan në epërsi me golin e shënuar nëpërmjet futbollistit Lensky në minutën e 33-të. Në pjesën e dytë, Nijmegen duke iu falenderuar shqiptarit Fejzullahut arritën ta barazojnë në minutën e 66-të. Një pikë domethënëse që e ngriti NEC Nijmegenin në vendin e 10-të më 9 pikë të tubuara, ndërsa Utrecht mbetët i pesti me vetëm 17 pikë.