Juventus dhe Real, gati shkëmbimi Amauri-Benzema
Në njërin krah Reali Madridi i Zhoze Murinjos, në tjetrin Juventusi i Xhixhi Delnerit, ndërsa në mes qëndron hipoteza e një shkëmbimi Benzema-Amauri. Ideja është hedhur nga kanali francez, “TF1”, që pas interesimit në ambientin madrilen zbuloi se në ditët e ardhshme, drejtuesit e klubit spanjoll do t’ia propozojnë shkëmbimin bardhezinjve. Hipoteza duket larg realitetit, megjithatë nuk përjashtohet që të realizohet. Në fakt, prej kohës Murinjo ka ndjekur me interes Amaurin, i cili nuk ka arritur të shfaqë potencialin e vërtetë te Juventusi. Gjithashtu, tekniku luzitan nuk duket i bindur nga ato që Benzema ka shfaqur në stërvitje. Italianët edhe mund ta pranojnë shkëmbimin: prej kohësh “Zonja e Vjetër” po kërkon një sulmues me peshë për sezonin e ti. Trajneri Delneri ka pesë lojtarë në dispozicion në repartin ofensiv (Del Piero, Trezege, Diego, Amauri, Iakuinta) dhe të paktën njëri prej tyre do të largohet. Deri më tani në listën e dëshirave qëndronin Xheko, Pacini e Adebajor, por atyre u shtohet edhe ylli francez, Benzema.
Në njërin krah Reali Madridi i Zhoze Murinjos, në tjetrin Juventusi i Xhixhi Delnerit, ndërsa në mes qëndron hipoteza e një shkëmbimi Benzema-Amauri. Ideja është hedhur nga kanali francez, “TF1”, që pas interesimit në ambientin madrilen zbuloi se në ditët e ardhshme, drejtuesit e klubit spanjoll do t’ia propozojnë shkëmbimin bardhezinjve. Hipoteza duket larg realitetit, megjithatë nuk përjashtohet që të realizohet. Në fakt, prej kohës Murinjo ka ndjekur me interes Amaurin, i cili nuk ka arritur të shfaqë potencialin e vërtetë te Juventusi. Gjithashtu, tekniku luzitan nuk duket i bindur nga ato që Benzema ka shfaqur në stërvitje. Italianët edhe mund ta pranojnë shkëmbimin: prej kohësh “Zonja e Vjetër” po kërkon një sulmues me peshë për sezonin e ti. Trajneri Delneri ka pesë lojtarë në dispozicion në repartin ofensiv (Del Piero, Trezege, Diego, Amauri, Iakuinta) dhe të paktën njëri prej tyre do të largohet. Deri më tani në listën e dëshirave qëndronin Xheko, Pacini e Adebajor, por atyre u shtohet edhe ylli francez, Benzema.