Sipas Sky Sport Italia, drejtori teknik i Wolfsburgut, Dieter Hoenes, është duke zhvilluar aktualisht negociata me drejtorin sportiv të Juventusit, Giuseppe Marotta, në Galileo Ferraris, për një transferim të boshnjakut Edin Dzeko.Juventusi ka qenë në kërkim të sulmuesit ballkanas që një kohë të gjatë, por u duk që për shkak të deklaratave të gjermanëve se Dzeko është i pashitshem, Bianconerët të kenë hequr dorë.
Sidoqoftë, 24 vjeçari vazhdimisht ka kërkuar transferimin te ndonjë klub larg Gjermanisë dhe tani duket se Wolfsburgu ka filluar bisedimet për një transfer të mundshëm. Thuhet se në bisedime janë duke u përmendur edhe përfshirja e mbrojtësit të Wolfsburgut Andrea Barzagli dhe Diegos.