Sipas medias angleze, portieri bardhezi mund të bëhet pjesë e “Djajve të kuq” në merkaton e verës së ardhshme.“Gardiani” i portës juventine u kërkua nga nënkampionët e Premier Ligës disa muaj më parë, por marrëveshja nuk u arrit dot. Mediat e përtejdetit e bazojnë hipotezën e tyre në faktin se Van der Sar do t’i japë lamtumirë futbollit në fund të sezonit tjetër.
Gjithashtu sipas tyre, largimi i Bufonit nga Juve do të ishte më i lehtë në rast të një dështimi nën drejtimin e Delnerit. Oferta e Mançester Junajtid për 32-vjeçarin luhatet në rreth 18 milionë euro. Por kjo shumë nuk është fort bindëse, duke parë se për një kampion të kalibrit të Bufonit mund të bëhet fjalë për jo më pak se 25 milionë.