Ylli i Real Madridit, Cristiano Ronaldo, thotë se ai ka menduar t’i bashkohet Juventusit kur ka luajtur te Sporting Lisbona.Portugezi ka zbuluar se para se t’i bashkohet Manchester United ka pasur interesim nga Juventusi, por ka qenë edhe një ekip tjetër italian që ka ardhur me ofertë më konkrete, emrin e të cilit ka ngurruar ta zbulojë.
“Po, vërtet ka pasur interesim [nga Juventusi]. Disa vite më pas ishte një klub tjetër italian që erdhi pas meje me një mënyrë më konkrete dhe po thuajse nënshkrova. Pastaj gjithçka u mjegullua në minutën e fundit”, ka thënë Ronaldo.
I pyetur të zbulojë emrin e ekipit italian, ai ka thënë: “Nuk mundem”.