Luis Fabiano dhe Juventusi pëlqehen. Ky është një fakt. Por nga klubi bardhezi nuk është bërë asnjë ofertë zyrtare për sulmuesin brazilian të Seviljes. Këtë e ka konfirmuar menaxheri i lojtarit Hoze Fuentes:“Bardhezinjtë nuk kanë treguar asnjëherë interes, -ka thënë ai, - as me mua, as me Seviljen. Juventusi mbetet një klub i madh dhe kampionati italian është një zgjidhje e pëlqyeshme”. Sulmuesi brazilian kushton 10 milionë euro.
Në orët e fundit duket se vetë Luis Fabiano ka shprehur në saitin e tij në internet dëshirën për t’u larguar nga kampionati spanjoll: “Mungon edhe pak nëse do Zoti. Shpresoj që gjithçka të shkojë mirë”.