Mesfushori i Juventusit, Simone Pepe ka bërë të ditur se merr këshilla në ekzekutimin e goditjeve të lira nga specialisti, kapiteni i ekipit, Alessandro Del Piero. Pepe shënoi golin e barazimit 1-1 me Fiorentinën, të shtunën, pikërisht nga goditja e lirë.“Shpeshherë pas përfundimit të stërvitjes ndalem me Del Pieron për të ushtruar goditjet e lira”, tha Pepe.
Një autogol nga Marco Motta e kaloi Fiorentinën në epërsi, mirëpo Pepe befasoi portierin Artur Boruc duke e mposhtur në minutën e 82-të.