21 nëntor 2010

Del Neri: Ndaj Genoas, ndeshje e vështirë

Trajneri i Juventusit, Luigi Del Neri, beson se ndeshja e Juventusit ndaj Genoas do të jetë shumë e vështirë.

“Ne jemi përgatitur për këtë ndeshje futbollistike. Ne do të luajmë në një fushë të komplikuar, për shkak të mbështetjes që tifozët i japin skuadrës së Genoas”, theksoi Del Neri.

Juventusi javën e kaluar barazoi me Romën në Olimpico të Torinos dhe fitorja ndaj Genoas është e obliguar për Bianconerët, nëse dëshirojnë të mbajnë hapin me liderin Milan, që të shtunën mbrëma mposhti Forentinën.