Juventusi është në qiellin e shtatë, por Alberto Akuilani ndalon entuziazmin: “E prisja një fillim sezoni kaq pozitiv, por nuk kemi bërë akoma asgjë, - tha mesfushori bardhezi. - Unë i pazëvendësueshëm? Është skuadra ajo që ka rëndësi, është vetëm një rastësi që nëntë rezultatet pozitive radhazi kanë ardhur me mua gjithnjë në fushë.Nëse skuadra do të ruajë këtë paraqitje, mund të arrijmë shumë kënaqësi. Zëvendësimi im ndaj Xhenoas? Vetëm një lodhje, por them se kundër Fiorentinës nuk do të jetë aspak e lehtë. Është një skuadër e madhe, por unë mendoj të jem. E dija që Juventusi përfaqësonte për mua një mundësi të rëndësishme, një tren që po kalonte dhe që ishte për t’u kapur në stacionin më të parë. Një tren që më ka rikthyer edhe në kombëtare”, - e mbyll Akuilani.