22 nëntor 2010

Del Neri i kënaqur me ekipin

Juventusi u zhvendos në pozitën e tretë në Serie A me një fitore prej 2-0 ndaj Genoas, ndërsa me paraqitjen e të urdhëruarve të tij u shpreh i kënaqur trajneri Luigi Del Neri.

“Djemtë shfaqën paraqitje shumë të mirë. Ekipi ka krenari të madhe dhe gjithmonë futet në fushë për të fituar”.

“Ne jemi fare pranë majës, por duhet të punojmë më shumë. Nëse nuk lëshojmë pikë sikurse që bëmë në fazën fillestare të sezonit, atëherë jam i bindur se ne mund të mbajmë këtë hap dhe të vazhdojmë me presionin ndaj liderit”, ka thënë Del Neri.