Sot Vinovo u zbukurua nga dëbora e parë, Bianconerët kanë rinisur trajnimin pas barazimit natën e së shtunës kundër Fiorentinës.
Lojtarët janë rikthyer në stërvitje sot në mëngjes, për të punuar për ndeshjen e ardhshme në kuadër të Europa League ku Juventus do të jetë mysafir i Lech Poznan.
Lojtarët që kanë luajtur në ndeshjen kundër Fiorentinës janë stërvitur në palestër, por pjesa tjetër e grupit e përbërë nga Iaquinta, Lanzafame, Pepe, Salihamidzic, Sissoko, Traore, Sorensen dhe Giannetti kanë stërvitur në fushë. Veçmas ka stërvitur Zdenek Grygera, i cili vazhdon me programin e tij të rimëkëmbjes.
Të hënën do të zhvillohen stërvitjet e fundit, para se skuadra të niset për në Poloni. Fillimi i seancës stërvitore është caktuar për në ora 15:00 pasdite.