Kapiteni i Romës, Françesko Toti, ka deklaruar se do të marrë një vendin së bashku me Marçelo Lipin në muajin prill, në lidhje me një rikthim të mundshëm në ekipin kombëtar.“Marsi ose prilli do të jenë muajt vendimtarë për të parë si do jem. Të gjithë flasin për rikthimin tim në Kombëtare, megjithatë vendimin do ta marr së bashku me Lipin”, theksoi numri 10 i ekipit verdhekuq.Ndërkaq, tani për tani i duhet të mendojë për golat, sepse duhen edhe 13 për të arritur kuotën 200 (që nga fillimi i kampionatit ka shënuar 9). “Të arrish në kuptën e 200 golave është absolutisht diçka fantastike dhe besoj se do t’ia dal”, nënvizoi Toti.
Në lidhje me kontratën e re 5-vjeçare me Romën ai shtoi: “Të dy palët e kemi firmosur, tani pres që Roma ta depozitojë. Sinqerisht, nuk e di pse nuk e ka bërë akoma këtë gjë”.