Sulmuesi i Bayern Munich, Ivica Oliç është zgjedhur përforcimi më i mirë i vitit në Bundesligë nga e përditshmja sportive gjermane Bild. Reprezentuesi kroat impresionoi në vitin e tij të parë në Bayern.Në pozitën e dytë u gjend mesfushori i Hamburgut, Eljero Elia, i cili u transferua nga klubi holandez Twente. Oliç iu bashkua Bayernit nga Hamburg gjatë verës së shkuar. Ai arriti të shënojë gjashtë gola në 13 paraqitjet e tij të para për gjigantin bavarez, duke u shndërruar në njërin prej futbollistëve kryesor të ekipit.
Elia ishte i dyti në listën e Bild, ku u përfshinë edhe emrat e Lukas Schmitz (Schalke 04), Lucas Barrios (Borussia Dortmund), Marco Reus (Borussia Mochengladbach), Sami Hyypia (Bayer Leverkusen), Andreas Ivanschitz (Mainz), Erin Derdiyok (Bayer Leverkusen).