30 dhjetor 2009

Wenger: Kam thënë Chelsea do të lëshojë pikë dhe kisha të drejtë

Menaxheri i Arsenalit Arsene Wenger ka ripërsëritur se ai kishte të drejtë kur tha se Chelsea do të lëshonte pikë përgjatë sezonit në vazhdim.
Muaj më parë, kur Chelsea mposhti Arsenalin, Arsene Wengerit i ishte shtruar pyetja se a i kishte humbur skuadra e tij gjasat për titull, por Wenger tha se Chelsea do të lëshonte pikë dhe se skuadra e tij do të fitonte Premier Ligën.
Sot, Arsenali është 7 pikë prapa Chelseat me dy ndeshje më pak të zhvilluara. Nëse Arsenal mposht Portsmouthin dhe Boltonin atëherë do ti afrohej Chelseat në vetëm një pikë.
“ Shohim dy gjëra – futbolli ndryshon shpejtë dhe për këtë shpeshherë kam të drejtë.” Theksoi Wenger për The Sun.
“ Natyrisht, Portsmouth është kundërshtar i vështirë. Kur je menaxher, nuk mund ti ofrosh vetes relaksim.”
“ Kur ishim 11 pikë prapa Chelseat relaksimi nuk shkonte në konsiderim. Unë besoj se sot mund të jemi më të relaksuar pasi që po përfitojmë kur skuadrat tjera lëshojnë pikë.”
“ Por, Portsmouth është gjithnjë vend i vështirë. Unë i kam parë ndaj Liverpoolit dhe për këtë ju duhet të bëni një paraqitje të mirë për ti mposhtur.”