Xhanluixhi Bufon ndoshta nuk është më portieri më i mirë në botë, por absolutisht një nga më të vlerësuarit, sidomos në Angli.Pas interesimit të Mancester Sitit, tani është Mancester Junaited i Ser Aleks Fergusonit që interesohet për shërbimet e portierit italian. Portieri i Juventusit është duke u rikuperuar pas operacionit për korrigjimin e problemeve në hernien fiskale, dhe duke filluar nga janari, ai do të jetë në fushë, ndoshta edhe në Premier Ligën angleze.
Mancester Junaited po mendon për zëvendësuesin e Van der Sarit, i cili ndodhet në prag “pensioni”. Sipas faqes “caughtoffiside.com”, Bufon është një nga emrat më të besueshëm për të mbrojtur portën e Junaited. Po sipas kësaj faqe, skuadra angleze është e gatshme të derdhë në arkat e Juventusit 16 milionë sterlina (20 milion euro) për Xhanluixhi Bufonin.