Volves, gjobë për “rotacionin”!
Volverhemptoni është gjobitur me një shumë prej 25,000 stërlinash nga Premier Liga sepse ka aktivizuar një skuadër të dobët kundër Mançester Junajtid në dhjetor. Trajneri i Volvesit, Mik Mekarthi, bëri 10 ndërrime në skuadrën, që mposhti Totenhemin tri ditë më parë dhe pas humbjes 3-0 në “Old Trafford”, i futi sërish në lojë nëntë prej tyre duke fituar 2-0 kundër Bërnleit. Ky është rasti i parë kur “rotacioni” gjobitet.