Gola, pasime, por edhe festa të supozuara deri në orët e vona të natës, që nuk janë pëlyqer shumë nga klubi. Ronaldinjo është përmirësuar në krahasim me vitin e kaluar, në disa momente është rikthyer të luajë siç ka bërë në të kaluarën me Barcelonën, por ndoshta nuk i ka bindur akoma plotësisht drejtuesit kuqezi. Kontrata e tij skadon më qershor të vitit 2011 dhe rinovimi nuk ka ardhur. Galiani ka marrë kohë: “Në fillim duhet të sigurojmë kualifikimin në Champions, më pas do të shohim. Ka shumë mundësi që të qëndrojë me ne”. Fjalë që mund të thonë gjithçka dhe asgjë.Galiani ka qenë i qartë: “Ka akoma edhe një vit e gjysmë kohë para sakdencës së kontratës. Ronaldinjo duhet të vazhdojë të bëjë detyrën e tij”. Disa dyshime lindin nga komentet e drejtuesit kuqezi, duke marrë parasysh se Abate dhe Antoni, kontratat e të cilëve skadojnë në qershor të vitit 2011, kanë rinovuar. Por edhe në këtë rast Galiani ka qenë i qartë: “Flasim për dy situata të ndryshme, për këtë arsye them se duhet të presim”.