Njeriu më kontravers në futbollin italian (pas Mourinhos) Luciano Moggi ka lancuar kësaj here një deklaratë të çuditshme ku vlerëson se Italia do të dështoj në kampionatin e ardhshëm botëror.
“ Lippi nuk do të rikthehet te Juventusi në fund të sezonit pasi që ai është zot për federatën italiane të futbollit.”
“ Por ai nuk do të arrij shumë në Afrikën Jugore pasi që materialin që e ka nuk është ekstraordiner, dhe ky nuk është gabimi i tij.”
Ai foli dhe për transferimin e Mancinit te Milani të cilin Berlusconi e quajti të padobishëm.
“ Pajtohem me Berlusconin, transferimi i Mancinit është i padobishëm.”
“ Ai nuk është lojtari i njëjtë siç ishte te Roma.”
Moggi kritikoi dhe Lazion.
“ Për të mirën e Lazios, Ballardini duhet të shkarkohet. Ai nuk është mjaft i mirë për një klub aq të madh si Lazio.”
“ Claudio Lotito duhet të fajësohet gjithashtu për situatën aktuale te Lazio sepse ai e zgjodhi trajnerin, dhe më pas e la Goran Pandevin të shkoj.” Deklaroi Moggi.