“Kam gabuar dhe kërkoj të falur. Por duhet të jetë e qartë se nga një këndvështrim i caktuar nuk pranoj të marr leksione etike nga askush. Nëse një ditë do të kem fatin të takoj Zotin, do të jetë ai vetë që do të vendosë nëse do të më falë apo jo”.Këto kanë qenë fjalët e portierit të Juventusit, Xhixhi Bufon, pas gabimit të bërë në ndeshjen kundër Xhenoas, të cilin e ka shoqëruar me një seri sharjesh blasfemike. “Të rinjve që ndjekin ndeshjet e futbollit u duhet mësuar se hipokrizia është e pranueshme, por deri në një farë pike. Jeta e vërtetë është diçka tjetër. Në disa konteste sportive ku në momente të caktuara përjetohen situata me tension të madh, unë besoj se ndonjë frazë e papërshtatshme mund t’i shpëtojë kujtdo”, ka kërkuar të shfajësohet më pas numri një i bardhezinjve.