Derbi Juve-Inter për Diegon
Viti 2009 duket se do të jetë ai, që do të sjellë Diegon në Itali. Mbetet të shihet vetëm se ku do të sistemohet talenti brazilian. E sigurtë është që lojtari dëshiron të largohet nga Bundesliga, ku ka bërë gjëra të jashtëzakonshme me Verder Bremenin, duke realizuar plot 34 gola në 75 ndeshje. E tani duket se i është ngritur mendja që të kalojë në Serinë A. Fantazisti nuk dëshiron të detyrojë me forcë klubin aktual për ta shitur, megjithatë duket e sigurt që nuk do të qëndrojë në Gjermani deri në vitin 2011, siç parashikon kontrata e tij. Në qershor do të flasë me drejtuesit e Verderit dhe do të kërkojë një zgjidhje, që të kënaqë të gjithë. Dueli Mbi brazilianin, prej kohësh kanë hedhur sytë Inter e Juventus. Klubi zikaltër mund ta kishte marrë katër vjet më parë, por nuk u bë asgjë. “Zonja e Vjetër”, pothuajse e kishte marrë gjashtë muaj më parë, por pastaj, për arsye taktike, Klaudio Ranieri e kundërshtoi transferimin. Vlerësimi vërtitet te rreth 25 milionë eurot, por Verderi duhet të bëjë llogaritë me mundësinë që Diego t’i drejtohet klauzolës së FIFA-s. Një hipotezë, që lojtari nuk do ta donte të bëhej realitet, por që gjithsesi është një opsion me të cilin drejtuesit e klubit gjerman duhet të përballen. Operacioni mund të përfundojë me sukses për shumën e 20 milionë eurove.Fiorentina Përveç Interit dhe Juves, Diego është edhe në shënjestrën e një pretendenteje të tretë. Fiorentina, faktikisht, edhe pse nuk ka risitë që zotërojnë dy rivalet, është në gjendje të lëvizë me efektshmërinë e duhur në merkato. Dhe nënvlerësimi do të ishte një gabim. Për momentin është e pamundur të thuhet sesi do të përfundojë kjo garë midis tre skuadrave. Megjithatë, diçka duket e pamohueshme: Diego është aq afër zbarkimit në Itali, sa nuk mund ta imagjinojë dot askush.
Viti 2009 duket se do të jetë ai, që do të sjellë Diegon në Itali. Mbetet të shihet vetëm se ku do të sistemohet talenti brazilian. E sigurtë është që lojtari dëshiron të largohet nga Bundesliga, ku ka bërë gjëra të jashtëzakonshme me Verder Bremenin, duke realizuar plot 34 gola në 75 ndeshje. E tani duket se i është ngritur mendja që të kalojë në Serinë A. Fantazisti nuk dëshiron të detyrojë me forcë klubin aktual për ta shitur, megjithatë duket e sigurt që nuk do të qëndrojë në Gjermani deri në vitin 2011, siç parashikon kontrata e tij. Në qershor do të flasë me drejtuesit e Verderit dhe do të kërkojë një zgjidhje, që të kënaqë të gjithë. Dueli Mbi brazilianin, prej kohësh kanë hedhur sytë Inter e Juventus. Klubi zikaltër mund ta kishte marrë katër vjet më parë, por nuk u bë asgjë. “Zonja e Vjetër”, pothuajse e kishte marrë gjashtë muaj më parë, por pastaj, për arsye taktike, Klaudio Ranieri e kundërshtoi transferimin. Vlerësimi vërtitet te rreth 25 milionë eurot, por Verderi duhet të bëjë llogaritë me mundësinë që Diego t’i drejtohet klauzolës së FIFA-s. Një hipotezë, që lojtari nuk do ta donte të bëhej realitet, por që gjithsesi është një opsion me të cilin drejtuesit e klubit gjerman duhet të përballen. Operacioni mund të përfundojë me sukses për shumën e 20 milionë eurove.Fiorentina Përveç Interit dhe Juves, Diego është edhe në shënjestrën e një pretendenteje të tretë. Fiorentina, faktikisht, edhe pse nuk ka risitë që zotërojnë dy rivalet, është në gjendje të lëvizë me efektshmërinë e duhur në merkato. Dhe nënvlerësimi do të ishte një gabim. Për momentin është e pamundur të thuhet sesi do të përfundojë kjo garë midis tre skuadrave. Megjithatë, diçka duket e pamohueshme: Diego është aq afër zbarkimit në Itali, sa nuk mund ta imagjinojë dot askush.