Cana zverdhet, Sunderland pësoi humbje

Futbollisti Lorik Cana është zverdhur në minutën e 65-të në humbjen e Sunderlandit 0:1 si udhëtues në fushën e Stokes, në kuadër të javës së katërt të premier ligës. Skuadra Stoke arriti të shënojë fitore me rezultat 1:0 me golin e shënuar nga Kitson në minutën e 43-të. Cana është treguar luftarak gjatë 90 minutave, por sulmuesit e skuadrës së Sunderlandit nuk ishin të zotët që ta barazojnë rezultatin. Ballafaqimi Bolton-Liverpool ishte tejet dramatik dhe pati një rrebesh golash, ndërsa fitorja i takoi Liverpooli me rezultat 3:2. Golat për Liverpoolin i shënuan: Johnson (41’), Torres (56’), Gerrard (83’), dhe për Boltonin realizuan: K.Davies (33’) e Cohen (47’). Ndeshja në mes Wolves dhe Hullit përfundojë baras, 1:1. Golin për Wolvesin e shënojë Stearman (46’), ndërsa për mysafirët Geovanni (3’). Ballafaqimi Blackburn-West Ham përfundojë pa gola, 0:0, ndërsa Tottenham fiton në çastet e fundit 2:1 ndaj Birminghamit. Kreator të fitores së Tottenhamit janë: Crouch (72’) e Lennon (90’), kurse për mysafirët shënojë Bowyer (75’).