Nëse vërtet Klaudio Ranieri duhet të qëndrojë te Juventusi edhe sezonin tjetër, siç konfirmohet nga klubi bardhezi, atëherë mund të mos jetë vetëm një zë, ai që e lidh të ardhmen e David Trezegesë te Milani.
Sulmuesi francez, ka pasur shpesh mosmarrëveshje me trajnerin juventin këtë sezon, sidomos pas skualifikimit në Champions. Menaxheri i Trezegesë, Antonio Kaliendo pohon: “Një lajm i bukur, sepse nëse një skuadër si Milani e kërkon Davidin, për mua është një lajm i bukur. Milani është një nga skuadrat që konfirmon vlefshmërinë e tij kampioni. Unë do të dal në skenë kur të mbarojë kampionati”.