Figo “rinis” karrierën drejt Kinës

Nëse nuk do ta mbyllë karrierën me Interin egziston edhe një mundësi për t’u transferuar në Kinë. Fantazisti portugez mund të vendosë të zhvillojë edhe një sezon tjetër në Lindjen e largët para se t’i thotë lamtumirë futbollit. Sipas të përditshmes kineze “Titans Sport”, lojtari i Interit duket se po vlerëson një ofertë që ka ardhur nga një klub kinez: “Kam disa kontakte me klube të ndryshme. Më vjen mirë që më ka ardhur një ofertë nga një klub kinez. Do të ishte një eksperiencë interesante”, ka thënë Figo.