Andrea Dosena, më pranë bardhezinjve

Juventusi i është rikthyer hipotezës “Andrea Dosena”, për të forcuar krahun e majtë të mesfushës, sepse pikërisht kjo është një nga përparësitë e bardhezinjve për fushatën e blerjeve. Deri tani klubi juventin ka shqyrtuar shumë mundësi: ka vëzhguar Fabio Groson dhe Aleksandër Kolarov, mirëpo tani ka dalë në pah edhe hipoteza e mbrojtësit të Liverpulit, e ardhmja e të cilit nuk është më e sigurt se do të jetë në Angli. Përsa i përket moshës 27-vjeçare dhe aftësive të tij, Dosena mund të jetë një zgjedhje shumë e rëndësishme për skuadrën e Juves, e cila ka nevojë të bëjë shumë blerje, nëse dëshiron që të ketë një sezon më të suksesshëm vitin e ardhshëm në kampionat dhe në Ligën e Kampionëve.