Di Mateo: Kujdes nga Del Piero!

Roberto Di Mateo, mesfushori italian, i cili pjesën më të madhe e më të suksesshme të karrierës së tij e ka kaluar në radhët e formacionit të Çelsit, së bashku me Xhanfranko Zolan, paralajmëron për kujdes ish-skuadrën e tij. “Juventusi mund të jetë skuadra që ka kaluar shumë vështirësi në vitet e fundit, por ‘Zonja e Vjetër’ mbetet gjithnjë ‘Zonja e Vjetër’. Ata janë mjaft të uritur për suksese, kështu që Çelsi duhet t’i vlerësojë maksimalisht bardhezinjtë. Kanë rikuperuar nga dëmtimet lojtarët më të rëndësishëm dhe ndeshje pas ndeshjeje, skuadra e Ranierit po fiton besim në forcat e saj. Nga ana tjetër, në radhët e tyre është një si Alesandro Del Piero që nuk plaket kurrë. Është ai lojtari më i rrezikshëm për Çelsin, pasi Del Piero mund të jetë vrasës nga goditjet e dënimit. Deri tani ka shënuar katër gola, nga të cilët tre me goditje dënimi, kështu që...”, nënvizon Di Mateo.