Sulmuesi i Fiorentinës, Alberto Gilardino, ka thënë se ia ka vlejtur largimi nga Milani edhe pse ai tash fiton shumë më pak para sesa te Rossonerët.
Që nga transferimi në Firence, Gilla ka kaluar një formë shumë të mirë, që ishte edhe momenti kthyes në karrierën e tij, duke shënuar 15 gola në Serie A dhe tash është vetëm një gol prapa Marco Di Vaios, në garën për titullin Capocannoniere. “Në Firence jam pritur jashtëzakonisht mirë dhe ishte një ndjenjë fantastike. Këtu fitoj më pak para, por ia vlen”, i ka thënë italiani revistës “Max”.