“Mund ta eliminojmë Çelsin”. Hidink është dakord me të...

“Dalim shumë të zhgënjyer nga kjo përballje, pasi e meritonim plotësisht barazimin. Nga kjo ndeshje mund të kënaqemi vetëm me paraqitjen tonë të shkëlqyer. Megjithatë në Torino jemi të ndërgjegjshëm që duhet të bëjmë edhe diçka më shumë se sot (dje), - shprehet pas ndeshjes kapiteni juventin, Alesandro Del Piero. – Çelsi është një skuadër madhështore dhe ndaj nesh e tregoi, sepse diti të shtyjë sulmet tona për 75 minuta me radhë. Optimizmi ynë mbi kualifikimin ndaj Çelsit do të jetë arma jonë më e fortë. Hera ime e parë në ‘Stamford Bridge’? Atmosfera qe fantastike. Ishte shumë bukur të luaje këtu”, përfundon kapiteni. Edhe Gus Hidink, trajneri i Çelsit, është dakord me numrin 10 juventin. “Nëse Juventusi beson ende te kualifikimi, ka shumë të drejtë, sepse me paraqitjen e dobët të zhvilluar nga ne përpara tifozëve tanë, në Torino mund të ndodhë çdo gjë. Atje Juventusi niset i favorizuar, por ne duhet të bëjmë shumë herë më shumë se sot (dje) për të kaluar në turin e ardhshëm”, tha tekniku holandez.